قام ناصر صادق بنشر تحديث في المجموعة
منذ 3 أيام
المجتمع الفلاحي العام (مجاني)🟢 قبل ما تبدا مشروعك الفلاحي… خُد عبرة من هاد الأخطاء!
بزاف ديال الناس كيبداو مشاريعهم فالفلاحة، ولكن من بعد كيوقفو، كيتراجعو، أو كيتصدمو بالواقع…
وماشي حيت الفكرة خايبة، ولكن حيت وقع واحد من هاد الأخطاء الثلاثة:❌ الخطأ الأول: البداية بلا دراسة
ناس كتخسر الملايين غير لأنها ما خدمتش دراسة مشروع واضحة.
واللي دارو دراسة؟ داروها غير باش ياخدو الدعم، ماشي باش يفهمو السوق والميزانية والواقع.ومنين كيوصلو لنص الطريق، كيبداو يتلفو، ويقولو:
“هاد الشي ما خدامش”…
ولكن فالحقيقة: هما اللي ما خدموش مزيان من اللول.❌ الخطأ الثاني: كلشي دفعة وحدة
واحد باغي يدير دجاج وغنم وزراعة فتواحد الوقت!
ولكن كيضيع التركيز، كيقل التمويل، وكيطيح المشروع.ماشي كل فكرة عندك خاصك تطبقها دابا.
ركز على مشروع واحد… ووسع شوية بشوية.❌ الخطأ الثالث: كيعامل المشروع كأنه هواية
“حيت كنبغي الفلاحة” ماشي كافية…
باش يكون عندك مشروع ناجح، خاصك تكون:
🔹 كتحسب
🔹 كتنظم
🔹 كتعزل بين مصاريفك الشخصية ومصاريف المشروعالمشروع خاصو يخدم بوحدو، وانت خاصك تخدم عليه… ماشي تصرف عليه من جيبك.
📌 شارك معنا فالتعليقات:
شنو هو الخطأ اللي شفتو عند شي حد؟
وإلا كنت داز عليك شي تجربة بحال هكا… قولها لينا باش الناس تستافد!
