قام ناصر صادق بنشر تحديث في المجموعة
منذ 6 أيام
المجتمع الفلاحي العام (مجاني)أكثر من سبعين في المائة ديال الناس اللي كيتواصلو معايا، ماعارفينش شنو هو المشروع الفلاحي اللي مناسب ليهم ، كتسمع بزاف ديال الأفكار: مشاريع ناجحة، و مشاريع أخرى فاشلة، وكل واحد كيقولك هضرة فشكل… وراسك باقي عامر بالأسئلة؟
أول حاجة خاصك تعرف: المشروع اللي نجح عند جارك، ممكن ماينجحش عندك. والمشروع اللي فشل عند خوك، يمكن يكون عندك فيه مفتاح النجاح. باش تختار مشروع مناسب، خاصك تشوف 3 الحوايج مهمة : الوقت، الميزانية، والمنطقة اللي أنت فيها .
مثلا المشاريع ديال الكسيبة كتحتاج منك الوقت بزاف و متابعة يومية ماشي بحال المشاريع ديال الفلاحة ممكن تراقبها مرة في الأسبوع أو مرة في الشهر … كذلك إذا عندك ميزانية صغيرة غادي تحكم عليك تختار مشروع صغيرأو مساحة صغيرة أما عندك ميزانية متوسطة ممكن تستثمر في مشاريع كبيرة ، و الموقع ديالك حتى هو مهم، لأنه كيحدد واش المشروع غادي ينجح ولا لا على حسب المناخ، السوق، وحتى المنافسة اللي كاينة فـ المنطقة
